Noël du veuf et d' sin tiot

J'arviens d'el plach' min fieu,
Ch'est plein d'leumions, d'sapins, d'étoiles,
Ti t'es là dins l' noir comme un gueu,
Dins not' masonn', plein' d'arnitoiles,
A tranner dins tes loques...
N'brais pus, mouque tin nez,
Pindant qu'el mond' berloque,
Noël in va fêter!

Té surpris min garchon!
J'ai touché min chomache,
Vla du pain, du gambon,
Des chucart's du fromache,
In fêt' Noël, min tiot, min drôle,
In va chi faire un bon souper,
J'ai mêm' rapiné eun' quéniole...
Comme' les aut's in va s'impaffer!

Leume el candell'!
J'ai peur d'el dire, tell'mint ch'est biau...
J'vas avoir du boulot!
Fais me eun' bais' min tiot...
Ch'est Noël, Ch'est Noël.

Auteur : Guy Placard / Illustration : François Dufour